Showing posts with label அறிவியல். Show all posts
Showing posts with label அறிவியல். Show all posts
முந்தைய பாகம்
கர்ப்பபை என்ற அரண்மனையில் என்னதான் நடக்கிறது?

அதாவது ஒரு சுயம்வரம் நடத்த அரண்மனையை மேற்ப் பூச்சுகள் பூசி, கழுவி, புதிய அரியணைகள், கட்டில் மெத்தை, மற்றும் சிறப்புப் பொருட்கள் கொண்டு அலங்கரிப் படுகிறது. விருந்தினரை உபசரிக்க விருந்து தடபுடலாக தயாரிக்கப் படுகிறது. சுயம்வரத்தில் தேர்ந்தெடுக்கப் படுகின்ற அந்த நபர் பத்து மாதம் அதே அரண்மனையில் தங்க வேண்டும் என்பது அவசியமானதால் அதற்கும் வசதியாக ஏற்பாடுகள் செய்யப் படுகிறது. இந்த ஏற்பாடுகளுக்குதான் அதிக சிரத்தை எடுக்க வேண்டியதிருக்கிறது. 

சுயம்வரத்திற்காக இளவரசியை அழைத்து வந்து சரியான ராஜாவை தேர்ந்தெடுக்க, அரியணையில் அமர்த்தி காத்திருக்க வைத்திருக்கிறார்கள். அரசர்கள் (விந்தணுக்கள்) நான்கு நாள் வரை காத்திருக்க முடியுமாம். ஏற்கனவே அங்கு வந்து காத்திருக்கும் அரசர்களில். சரியான நபர் கிடைக்காத பட்சத்தில் வரப்போகும் சிறந்த அரசனுக்காக இளவரசி ஓரிரு நாள் காத்திருக்கலாம், அதற்கு மேல் காத்திருக்க முடியாமல் உயிரை விட்டுவிடுவாள். அதனால் சுயம்வர நிகழ்ச்சி ரத்து செய்யப் படுகிறது. தயாரித்து வைத்த, கெட்டுப் போன உணவு வகைகள், அலங்காரப் பொருட்கள் ஆகியவற்றை அரண்மனை யிலிருந்து வெளியேற்றி அரண்மனையை மீண்டும் ஒரு சுயம்வர தேதிக்காக மேற்ப் பூச்சு பூசி, கழுவி, தயாரிப்பது போன்றதுதான் மாதவிடாய்.

கர்ப்ப பையில் கருமுட்டை தங்குவதற்காக ஏற்படுத்தப் பட்ட ரத்தம், முட்டை மற்றும் சளி போன்றவற்றை கழுவி சுத்தம் செய்ய 12 நாட்களாகி விடுகிறது. அடுத்த இரண்டு நாட்களில், கர்ப்பபை சுவற்றில் சளி போன்ற மேற்ப்பூச்சு கொடுத்து இரத்த நாளங்களை சரி செய்து வைக்கிறது. அதன் பின்னர், கரு முட்டையை அழைத்து, கர்ப்ப பையில் காத்திருக்க வைக்கிறது. முட்டை அங்கு  சுமார் ஒரிரு நாட்கள் வரைதான் உயிர்ப்புடன் இருக்கும். அதாவது மாதவிடாய் தொடங்கிய ஏழாவது நாளில் இருந்து பதினைந்தாவது நாள் வரைதான் கர்ப்பத்துக்கு உகந்த நாட்கள். அதற்குள் ஒரு குறிப்பிட்ட ஓரிரு நாட்களில் முட்டையுடன் கலக்கும் ஏதோ ஒரு விந்தணுவே கர்ப்பத்தை ஏற்படுத்தும்.

மாதவிடாய் சுழற்சியைப் பொறுத்து, முட்டை கருவுறும் நாள் மாறுபடுவதால் சற்றேக் குறைய அதாவது மாதவிடாய் நாளிலிருந்து ஏழாவது நாளிலிருந்து பதினேழாவது நாள் வரைக்கும் உள்ள “அந்த பத்து நாட்கள்” தான் கலவிக்கும், குழந்தை பெறுவதற்கும் முக்கியமான நாட்கள். கீழே கொடுக்கப்பட்டுள்ளது 28 நாட்கள் சுழற்சி உடையவர் களுக்கானது. ஆண்கள் ஒருநாள் விட்டு, மறுநாள் கலவி கொண்டால் விந்தணுக்களின் எண்ணிக்கை அதிகமாக இருக்கும். ஆதலால் 10,12,14,16 ஆகிய நாட்கள் மிகவும் முக்கியத்துவம் வாய்ந்த நாட்கள்.


                                      


மேலும் இப்பொழுதெல்லாம் பத்து நாட்கள் “முயற்சிக்க”  வேண்டியதில்லை. ஒரு ஐந்து நாட்களாவது முயற்சிக்க வேண்டும் சில பெண்கள் தெர்மா மீட்டர் மூலம் தனக்கு எந்த நாளில் முட்டை தயாராகி உள்ளது என்பதை அறிந்து கொள்வார்கள். முட்டையின் வளர்ச்சி முழுமையடைந்து கருப்பைக்கு வரும் பொழுது பெண்களின் உடல் வெப்ப நிலை சற்று கூடியிருக்கும் அந்த வெப்ப நிலையை நுட்பமாக அறிந்து அன்று கலவி செய்தால் பலன் கிடைக்கும். முட்டை கருப்பையில் இருந்து வெளி வந்தததும் பெண்களின் உடல் வெப்பம் 0.4°F லிருந்து 0.8°F அதிகமாகும். நீங்கள் டிஜிட்டல் தெர்மாமீட்டர்  ஒன்றினால் , உங்கள் உடல் வெப்பத்தை அட்டவணைப் படுத்தி,  "அந்த நாளை" கண்டு பிடிக்கலாம். 

முட்டை முழுமை அடையும் போது சுரக்கும் ஒரு வித ஹார்மோனை (ப்ரொஜெஸ்ட்ரோன்) அடையாளம் கண்டு கொள்ளும் வகையில் தயார் செய்யப்பட்ட மருத்துவ கிட் கொண்டு செய்யப்படும் பரிசோதனையின் மூலம் அந்த நாளை கண்டுபிடித்து கலவியில் ஈடுபட்டால் பலன் ஏற்படும். 

மாதவிடாய் என்பது ஒரு ஒழுங்கான இடைவெளியில், இருக்க வேண்டும். அது முறையே 27,28,29,30, நாட்கள் என்ற முறையில் தனி நபரை பொறுத்து மாறுபட்டாலும் அவரவருக்கு குறிப்பிட்ட சுழற்சி. மாறாமல் இருக்க வேண்டும். 

கருமுட்டையின் வளர்ச்சிக்கும் சந்திரனின் (நிலவின் வளர்ச்சி) பிறைக்கும் ஒரு ஒற்றுமை உள்ளது. சந்திரனின் சுழற்சிக் காலமாகிய 28 நாட்கள் என்பது (99 சதவீதம்) பெண்களில் பெரும்பாண்மையினருக்கு ஒத்து வருவதால் அதை வைத்தே கணக்கிடப் படுகிறது. கரு முட்டைக்கும் சந்திரனுக்கும் உள்ள ஒற்றுமையை இவ்வாறு விளக்கலாம். அமாவாசை நாளிலிருந்து சந்திரனைப் போல் கருமுட்டை படிப்படியாக வளர்ந்து பௌர்னமியன்று முழுமை அடைந்து பின்னர் படிப்படியாக தேய்ந்து அமாவசையன்று முட்டை சந்திரனைப் போல் முழுமையாக மறைந்து விடுவதாகக் கொள்ளலாம்.

முன்பெல்லாம் திருமணத்திற்கு, மணப் பெண்ணின் மாதவிடாய் தேதியைக் கேட்டுதான் நாள் குறிப்பார்கள். அது போல் சாந்தி முகூர்த்தத்திற்கும் ஏற்ற நாள் குறிப்பார்கள். ஆனால் இப்பொழுது அதெல்லாம் மூட நம்பிக்கையாக போய்விட்டது. மாதவிடாய் தேதியை ஒருவாரம், பத்து நாட்கள் என்றாலும் தள்ளி வைக்க மாத்திரைகள் சாப்பிடுகிறார்கள். அங்கு ஆரம்பிக்கும் ஒழுங்கீனமும், பின்னாளில் பாதிப்பை ஏற்படுத்தும் அன்பதை அறியாமல் செய்கிறார்கள்.  

இந்த மாதவிடாய் சுழற்சியின் ஒழுங்கு முறையில் தான் 90 சதவீதம் குழந்தைப் பேறு உள்ளது. ஃபல்லோபியன் ட்யூப்பில் அடைப்பு இல்லாமல், கர்ப்பப் பையில் குறையில்லாமல், முறையான கலவி இருக்கும் பட்சத்தில் குழந்தை பெறுவதில் ஒரு சிக்கலும் இல்லை. முதன் முதலில் உருவாகும் குழந்தைகளை கருவிலே கலைத்தால் அதுவே பின்னர் கருவுறுவதில் சிக்கலை உருவாக்கலாம்.

பெண்மையின் மூலம்தான் இனவிருத்தி கட்டுப்பாட்டுக்குள் கொண்டு வரப்படுகிறது. முதலில் இனவிருத்திக்கான ஏற்பாடு பெண் குழந்தையாக இருக்கும் பொழுது 1:2,000,000 என்று ஆரம்பித்து, பருவம் எய்தும் போது 1:5,00,000 மாறி, பின்னர் மாதவிடாய் காலத்தில் 1:500 என்றாகி முடிவில் இயற்கையாக 1:60 என்ற நிலைக்கு வந்து விட்டது. ஆனாலும் மனிதன் செயற்கையாக அதை நாம் இருவர் நமக்கிருவர் (1:1) என்ற நிலைக்கு தக்கவைத்துக் கொண்டான்.

முப்பது வயதில் திருமணமாகிவிட்டால்  நான்கு ஆண்டுகளில் 91% பேருக்கு குழந்தை பிறந்து விடுகிறது..

முப்பத்தைந்து  வயதில் திருமணமானால் நான்கு ஆண்டுகளில் 84% தான்  பேருக்கு குழந்தை பிறக்கிறது.

நாற்பது வயதில் திருமணமானால் நான்கு ஆண்டுகளில் 64% பேருக்கு  தான் குழந்தை பிறக்கிறது..

ஆகவே பெண்கள் தங்களது முதல் குழந்தையை 32 வயதிற்குள் பெற்று விட வேண்டும். பின்னர் பார்த்துக் கொள்ளலாம் என்று நாட்களை கடத்தினால் நாட்கள் மட்டுமல்ல வருடங்கள் கூட நொடியில் கரைந்து விடும்.

திருமணமாகி இரண்டு வருடம் வரை குழந்தைக்காக காத்திருக்கலாம். அதற்கு மேல் அதை வாழ்க்கையின் பிரதானமான விஷயமாக எடுத்துக் கொண்டு முயற்சிக்க வேண்டும். ஆண்களின் பிரயத்தனம் என்ன மாதிரி என்பதைப் பார்ப்போம்.



மேலும் படிக்க...!

ஐரோப்பாவில் இருந்து வந்தவன்தான் ஆரியனாகிய  பார்ப்பனன் என்ற பொய்யான வரலாற்றை கடந்த 100 வருடங்களாக நம்பி, படித்து, தனக்கு தமிழன் என்றொரு பெயர் இருப்பதை மறந்து விட்டு திராவிடன் திராவிடன் என்று எவனோ கூறியதை மனதில் ஏற்றுக் கொண்டு இன்னும் தெளிவுக்கு வராமல், ஆரிய சித்தாந்தத்தில் முழ்கியிருக்கும்  அரை வேக்காடுகளுக்கு சமர்ப்பனம்  இந்தக் கட்டுரை.

 காட்சிப் பிழை:

முதலில் அடிப்படையான சில விஷயங்களை தெளிவு படுத்திக் கொள்வோம். 35எம்.எம் திரைப்படச் சுருளில் ஒரு செகண்ட் ஓடுவதற்கு 24 நிலைச் சட்டங்கள் (ஸ்டில் ஃப்ரேம்கள்) இருந்தால்தான் நிகழ்வின் செயல், வித்தியாசமில்லாமல் தெரியும். உதாரணமாக ஒருவர் ஆடையை மாட்டுவது போல் எடுத்தால் முழுச் சுருளையும் முன்னேற்ற திசையில் (பார்வர்ட் டைரக்சனில்,24fps) பார்த்தால்தான் உண்மை தெரியும். அதை விடுத்து பின்னேற்ற திசையில் (ரிவர்ஸ் டைரக்சனில்) பார்த்தால் ஆடையை கழட்டுவது போல் தெரியும். அவ்வாறு எடுக்கப் பட்டவைகளின் கலவைதான் கீழுள்ள தளத்தில் கொடுக்கப் பட்டுள்ளது.


அது மட்டுமல்லாமல் அதிலுள்ள ஒரு குறிப்பிட்ட  ஃப்ரேமை வைத்து அவர் ஆடையை கழட்டுகிறாரா அல்லது மாட்டுகிறாரா எனச் சொல்லவே முடியாது. அது போல் வரலாற்றின் குறிப்பிட்ட நிலைத் தகவலை வைத்து இப்படித்தான் தப்பாக கற்பிதம் செய்து, ஒவ்வொரு கால கட்டத்திலும்  யாராவது ஒருவர், மக்களை அறிந்தோ அறியாமலோ முட்டாளாக்கினார்கள். அந்த வகையில் அறியாமல் செய்த  அரை வேக்காடுகளில் முதண்மையானவர் பெரியார். 

ஆனால் அறிந்தே செய்வதற்கு,  மெக்காலேவால் இந்தியாவிற்கு அழைத்து வரப்பட்டவர்  மாக்ஸ்முல்லர். இந்தியாவிலிருந்து ஐரோப்பா சென்றவனை எதிர்த்திசையில் ஆராய்ந்து பார்த்தால் அங்கிருந்து வந்தவ (ஆரிய) னாகத்தான் தெரிவான். அதுவே அவனது மதத்தை பரப்புவதற்கு  சாதகமாக இருந்ததால் வரலாறாக மாற்றி விட்டான்.  ஆனால் ஒன்றை மறந்து விட்டான். மனிதனின் உடம்பிலுள்ள டிஎன்ஏ எனப்படும் சிறு துகள்களின் மூலம் தனி மனித வரலாறு மட்டுமின்றி, ஒட்டு மொத்த மனிதகுலத்தின் வரலாற்றையே அறிய முடியும் என்பதை. அதே மாக்ஸ்முல்லர் தன் வாழ்நாளின் கடைசிக் காலங்களில் உலகத்தில் கடவுளால் முழுமையாக படைக்கப் பட்ட  நாடு இந்தியா என்றும். மதங்களுக்கெல்லாம் தாய்  மதம் இந்துமதம் என்றும், தத்துவ பேரறிஞர்கள் நிறைந்த நாடு இந்தியா என்றும், தலை சிறந்த காவியம் மகாபாரதம் என்றும் ஒப்புதல் வாக்கு மூலம் கொடுத்தார்.

"If I were to look over the whole world to find out the country most richly endowed with all the wealth, power, and beauty that nature can bestow – in some parts a very paradise on earth – I should point to India............................................................."  


இந்தியாவிற்கு வந்தவுடன் இந்துமத தொண்மையில் ஆச்சரியமும், இந்துமதத்தின் அறிவியலில் வியப்பும் அடைந்த  சில ஆங்கில கவர்னர்களும், ஐரோப்பிய அறிவியலாரும் தங்களுடன் எப்பொழுதும் சில மொழி பெயர்ப்பாளர்களையும் ஓவியர்களையும் ஐரோப்பாவில் இருந்தே அழைத்து வந்து இங்குள்ள அறிவியல் பொக்கிஷங்களை நகல் எடுத்தனர். சிலரோ தமிழையும் சமஸ்கிருதத்தையும் கற்றுத் தேர்ந்து மூலத்தையே அள்ளிச் சென்றனர். உ.ம்-வீரமாமுனிவர்(1710), யுவான் சுவாங்(660). தங்களால்  மொழி பெயர்க்க முடிந்தவற்றை எல்லாம் அக்காலத்தில் கிரேக்க மொழியிலும் ஆங்கிலத்திலும், சீன மொழியிலும் மொழி பெயர்த்து நூற்களாக்கி தங்கள் நாட்டின் நூலகத்தில் அடுக்கி வைத்துக் கொண்டனர். ஆங்கிலேயர்களே தமிழின் ஓலைச்சுவடிகளைத் தேடி அலைந்தனர்.

 ''According to Xuanzang's biography he returned  with, "over six hundred Mahayana and Hinayana texts, seven statues of the Buddha and more than a hundred sarira relics''.(விக்கி)

''Max Müller wrote both scholarly and popular works on the subject of Indology and the Sacred Books of the East, a 50-volume set of English translations, was prepared under his direction.''

ஐரோப்பியர்கள் இங்கு வந்து பொருட் கொள்ளை மட்டுமின்றி அறிவுக் கொள்ளையும் நடத்திவிட்டு இங்கிருப்பவனை முட்டாளாக்கி விட்டார்கள். யோசித்துப் பாருங்கள், மேற்கத்திய அறிவியலின் வயது கடந்த ஆயிரம் வருடங்களுக்கு முந்தியதுதான். அப்பொழுதுதான் அவர்களின் இந்திய பிரவேசம் நிகழ்ந்தது என்பது வரலாற்றுச் சான்றாகும். கிழக்கிந்திய கம்பெனியின் வியாபாரத்தினுடன் கொசுறாக இலக்கிய, அறிவியற் கொள்ளையும் நடந்தது. அது மட்டு மில்லாமல் நமது மதத்தின் தொண்மையை அழித்து, வரலாற்றை மாற்றி அமைத்தனர். இருபதாயிர வருட பழமை கொண்ட இந்து மதத்தின் வரலாற்றை நான்காயிர வருடங்களுக்குள் முடக்கினர். 

இருபதாயிர வருட பழமை கொண்டதா இந்து மதம்?

 ஏன் இருக்க முடியாது?. ஒரு தனி மனிதனின் வரலாறு எப்படி, அவன் பிறந்தது முதல் கணக்கிடப்படுகிறதோ அது போன்றே ஒரு மதத்தின் வரலாறும் அம்மக்கள் தோன்றியதிலிருந்து கணக்கிடப் பட வேண்டியதாகும். மதம் என்றால்  என்னவென்று அறியாதவர்களின் உளறல்தான் வளைத் தளமெங்கும் காணப் பெறுகிறது. மதம் என்பது இயற்கையின் தேர்வு. ஒரு குழுமத்தின் வாழும் முறையாகும். அம்முறைக்கு பின்னர் மக்கள் இட்ட பெயர் மதம். மதம் தோன்றிய காலத்தில் சமூக அமைப்பிற்காகவும். சமூக பாதுகாப்பிற்காகவும் சட்டதிட்டங்கள் இயற்றப் பட்டன. ஜாதி என்பது தொழில். இந்தியாவில் சமூக பாதுகாப்பிற்கு எந்த விதமான அச்சுறுத்தலும் இல்லாததால் பொழுதுபோக்கிலும், கொண்டாட்டங்களிலும் அதிக கவனம் செலுத்த ஆரம்பித்தனர்.
அதில் வாழ்பவர்களை விட வாழும் இடத்தின் மண், மரம், காற்று, சூழல், மொழி ஆகியவற்றின் பங்களிப்பு அதிகம், ஏனெனில் அவைதான் நிலைத்து நிற்பவை. ஒருவன் பிறக்கும் போதிலிருந்து இறக்கும் வரை எல்லாச் செயல்களிலும் மதத்தின் தலையீடு இருக்கின்றது. உதாரணமாக இந்து மதத்தில் ஒருவன் பிறக்கும் முன்பிருந்து, அதாவது அவனது தாய் தந்தையரின் சாந்தி முகூர்த்தம்  தொட்டு, வளைகாப்பிலிருந்து, பிறக்கும் நேரம் குறிக்கப்படுதல் என ஆரம்பித்து, சேனைப்பால் ஊற்றுவதிலிருந்து, கடைசியில் பால் ஊற்றுவதுவரை மட்டும் இன்றி  அமாவாசை, திதி என்று இறந்த பின்பும் அவனை அறியாமலே தொடர்கிறது. 

ஆகவே மதம் என்பது மண்ணிற்கு சொந்தமானது. (மண்ணை மாற்றினால் மதத்தை மாற்றலாம்.) அதில் கடவுளின் பங்கு  மிகக் குறைந்த  சதவீதம்தான். அதுமட்டுமில்லால் இந்து மதம் என்பது  மைய அதிகாரம் கொண்ட சர்வாதிகார மதமும் அல்ல. முன்னொரு காலத்தில் எழுதப்பட்ட எழுத்துகளால் ஆளப்படும் மதமும் அல்ல. அவர்களுக்கு யாரும் கட்டளை பிறப்பிக்க முடியாது. முற்றிலும் சுதந்திரமானது. (Open source) அதனால்தான் அது மதங்களுக்கெல்லாம் தாய் மதமாக விளங்குகிறது. புத்தம், ஜைனம், சமணம், கிறிஸ்துவம், இஸ்லாம் ஆகிய மதங்களுக்கெல்லாம் மூலமாக விளங்குகிறது. இதை உணராமல் இன்று கடவுளை மட்டும் முன்னிறுத்தி மதத்தைப் பரப்புவதும், துவேசிப்பதும் நடை பெறுகிறது. மதம் மாறுகிறேன் என்று தனக்கும் இந்த மண்ணிற்கும் துளியும் சம்பந்தமில்லாத சடங்குகளையும் சம்பிரதாயங்களையும் பின்பற்றுகிறார்கள். உதாரணமாக ஆங்கில மொழியைப் பின்பற்றுவதால் குளுமையான வரவேற்புக்கு பதிலாக, பைத்தியக்காரத்தனமாக சூடான (Warm welcome) வரவேற்பை அளிக்கிறார்கள். கேட்டால் அவனது பாணியில் பேச வேண்டுமாம்.மொழியை மாற்றும் போதே இவ்வளவு பைத்தியக்காரத் தனம் என்றால் மதம் மாறும் போது கேட்கவே வேண்டாம்.

இன்றைய மனித இனத்தில், ஆப்பிரிக்காவை ( Out of Africa) தவிர்த்து உள்ள 95 சதவீத மனித இனத்தின், மூதாதையர் தமிழர்தான் என நிரூபிக்கப் பட்டுள்ளது. (தமிழனின் முன்னோடியும் ஆப்ரிக்கா தானே என வாதிடலாம். ஆனால் இங்கு  மனித இனம் ஒரு நீண்ட இடைவெளிக்குப் பின்தான் தமிழ் மண்ணிலிருந்து வெளியேறிச் சென்றுள்ளது ) மனித இனம் 50,000 வருடங்களுக்கு முன் தமிழகத்தில் இருந்துதான்   கிழக்கு, மத்திய மற்றும் மேற்கு ஆசியா, ஐரோப்பா, அமெரிக்கா, ஆஸ்திரேலியா ஆகிய நாடுகளுக்கு பரவியுள்ளது என்ற உண்மையை பல் வேறுபட்ட நேஷனல் ஜியோகிராபி, டிஸ்கவரி, பிபிசி போன்ற குழுமங்களாலும் ஸ்டீபன் ஓப்பன்கியுமர் என்ற  தனி நபர்களாலும் மேற்க் கொள்ளப் பட்ட ஜெனிட்டிக் ஆராய்ச்சி முடிவுகள் தெரிவிக்கின்றதை முதலில் அறிந்து கொண்டு, நமது தமிழ்ப் பகுத்தறிவுகள் புதிய வியூகம் அமைத்துக் கொண்டு வரட்டும்.


 இந்த உண்மையை  தமிழ்ப் பகுத்தறிவுகளால் ஏற்றுக் கொள்ளவே முடியாது. ஏற்றுக் கொண்டால் இத்தனை காலங்களாகக் கட்டிய ஆரிய பகுத்தறிவு மணற் கோட்டைகள் தகர்ந்து விடுமே, வெட்டவெளியில் வரலாற்றின் அகதிகளாக அலைய நேரிடுமே, பாமரன் கூட பார்த்துச் சிரிப்பானே, இல்லாத ஆரியனும் இரவில் வந்து தூக்கத்தைக் கலைப்பானே என்ற எண்ணத்துடன் அத்தனை கொள்கைகளையும் மாற்ற வேண்டியதிருக்கும். பின்னர்  அந்த மூஞ்சியை எப்படி அவர்களால் வெளிக்காட்ட முடியும் எனத் தெரியவில்லை. ஜெனிடிக் அறிவியல் இந்த தமிழ்ப் பகுத்தறிவுவாதிகளின் மூஞ்சியில் காறித் துப்பியுள்ளது. ஏனெனில் தமிழ்ப் பகுத்தறிவுகளின் பள்ளிக்கூடங்களின் முதல் வார்த்தையே ஆரியம் தானே. இனிமேல் எவனாவது ஆரியம் பேசினால் காறித் துப்பாவிட்டாலும் பரவாயில்லை கைகொட்டி சிரியுங்கள், அப்பொழுதான் சக தமிழனின் மானம் காக்கப் படும், அறியாமை நீக்கப் படும்.

நேஷனல் ஜியாகிராபியின் ஜெனிடிக் பரவல் பற்றிய படம்.

"கல் தோன்றா மண் தோன்றா காலத்து  வாளொடு முன் தோன்றிய மூத்த குடி" தமிழன் என்பதில் மிகைப்படுத்தல் ஏதுமில்லை என்பது உள்ளங்கை நெல்லிக்கனி ஆகிவிட்டது. தமிழனைப் பற்றி அறிய தமிழனை, தமிழை, அவனது இலக்கியத்தை வரலாற்றை  முதலில் புரிந்து கொள்ள வேண்டும். விக்கியும், கூகுளும் தமிழைப் பொறுத்தவரை அரைகுறைதான். ஏனெனில் ஏற்றப் பட்ட தகவல்கள்தான் கிடைக்கின்றன். தமிழ்மொழி 2008 ல் 264 மொழிகள் கொண்ட விக்கிபீடியாவில் தமிழ் 15,000 கட்டுரைகளுடன் 67 வது இடத்தில் இருந்தது. தெலுங்கு 39 வது இடத்தில் இருந்தது. இன்றைய நிலையில் முன்னேற்றம் இருந்தாலும் அது போதாது. அத்தளங்களுக்கு தகவல் ஏற்றுவதும் சரியான தமிழனாக இருந்தால்தான் உண்மையான தகவலைப் பெறமுடியும். தகவல் ஏற்றுவதற்கு ஆட்களும் இல்லை அக்கறையும் இல்லை.  உள்ளுரிலே எதிரிகளிருக்கும் போது உண்மையை எவ்வாறு உரைக்கமுடியும்.

அவ்வளவு தூரம் வரலாற்றை ஆய்வு செய்ய அக்கறையும், அறிவும் இல்லை என்றால் குறைந்தது ஒரு முவாயிரம் வருடங்களுக்கு முன்னுள்ள தகவலை வைத்தாவது தர்க்க ரீதியாக யோசித்தாலே தெரியும் தமிழன் இந்துவாகத்தான் இருந்திருக்கிறான். சங்ககால இலக்கியத்தில் இருந்து தெரிவது என்னவென்றால் கடந்த பத்தாயிரம் வருடங்களாக தமிழன் இந்துவாகத்தான் இருந்திருக்கிறான்.

ஜெனிட்டிக் ஆராய்ச்சியின் முடிவுகளோ 75,000 வருடங்களாக இந்திய தென் தீபகற்பத்தில் தமிழன் இருந்திருக்கின்றான் எனத் தெரிவிக்கிறது. ஏனென்றால் 75,000 வருடங்களுக்கு முன் சுமத்ரா தீவில் நிகழ்ந்த டோபா எரிமலை வெடிப்பிற்கும், சங்ககால இலக்கியங்களில் நீக்கமற நிறைந்திருக்கும் முப்புரம் எரிப்பிற்கும், (திரிபுரம் எரித்த விரிசடையன்)  அதன் விளைவாக இந்தியா, தென் மேற்கு, மற்றும் தென் கிழக்கு ஆசியா முழுவதும்  படர்ந்த மூன்று மீட்டர் உயர சாம்பலுக்கும், உடலெங்கும் சாம்பலை பூசிய ஈசனுக்கும்  தமிழக ஆன்மீக (விபூதி) சாம்பலுக்கும்   சம்பந்தம் இருக்குமோ என்ற சந்தேகம் எழுகிறது. 

ஏழுதெங்க நாடு, ஏழுமதுரை நாடு, ஏழுமுன்பலைநாடு, ஏழுபின்பலைநாடு, ஏழுகுன்ற நாடு, ஏழுகுனக்கரை நாடு, ஏழுகுரும்பனை நாடு என இங்கு நாற்பத்திஒன்பது நாடுகள் இருந்துள்ளது. (நாற்பத்தொன்பது இல்லை என்றாலும் ஏழு என்றாவது வைத்துக் கொள்ளலாம் அல்லவா?.) மற்றும்  பஃறுளி, குமரி என்ற இரண்டு ஆறுகள் ஓடியுள்ளது. என்றும், குமரிக்கொடு, மணிமலை என இரண்டு மலைகள் இருந்துள்ளது என்றும் நமது பழந்தமிழ் நூல்கள் மூலம் அறியமுடிகிறது. எயிதென்மதுரை, கபாடபுரம், முத்தூர் என பிரம்மாண்டமான மூன்று நகரங்கள் இருந்தன. நக்கீரர் "இறையனார் அகப்பொருள்" என்ற நூலில் மூன்று தமிழ்ச் சங்கங்கள் 9990 வருடங்கள் தொடர்து நடைபெற்றதாக கூறியுள்ளார். தமிழின் முதல் சங்கம் இந்த கடலடியில் உள்ள "தென் மதுரையில்" கி.மு 4000 இல் 4449புலவர்கள்களுடன் , சிவன், முருகர், அகஸ்தியருடன் 39மன்னர்களும் இணைந்து, "பரிபாடல், முதுநாரை, முதுகுறுகு, கலரியவிரை, பேரதிகாரம்" ஆகிய நூல்களை இயற்றப்பட்டதாக அறிகிறோம். இந்த மாதிரியான ஆராய்ச்சிகளை வட இந்தியர்கள் எதிர்க்கிறார்கள். தமிழக அரசும் அக்கறை கொள்வதில்லை.

 சங்ககால பாடல்களில் தமிழன் குறிப்பிடும்  பஃறுளியாறு உட்பட்ட பெரும் நிலப்பரப்பு  ஆகியவை அழிந்து மிச்சம் உள்ள நிலப்பரப்பே இன்றுள்ள தமிழகம் என அறியும் பொழுது கடற்கோளால் அழிந்தது எவ்வளவு என்பதும், எவ்வளவு காலத்திற்கும் முன்பு என்பதும் அதனால் மனித இனத்திற்கு ஏற்பட்ட மாற்றம் என்ன என்பதும் இது வரை கணக்கிட முடியவில்லை. மக்களையும் அவர்களது இலக்கிய படைப்புகளையும் கடல் விழுங்கி விட்டது. கிடைத்த தகவல்களை வைத்து எழுதப் படும் வரலாறும் தற்காலிக மானதாகத்தான் இருக்கும். ஒரு திரைப் படத்தின் ஏழெட்டு ஸ்டில்களை மட்டும் வைத்துக் கொண்டு இரண்டு மணி நேரம் ஓடக் கூடிய அந்த  திரைப் படத்தின்   முழுக்கதையும் கற்பனையில்  எழுதினால் எப்படி இருக்குமோ அது போல்தான் வரலாறும் இருக்கும்.
கூறு கெட்டவர்கள் இருவர் ஒரு திரைப்படத்திற்குச் சென்றனராம் முதலில் அந்த ஜெமினி இரட்டையர்கள் குழலூதுவதைப் பார்த்துவிட்டு  உறங்கத் தொடங்கியவர்கள் கடைசியில் அதே இரட்டையர்கள் குழலூதி முடிப்பதை பார்த்து, எழுந்தார்களாம். அவர்களிடம்  கதை கேட்டால் இரண்டுமணி நேரமாக இரு சிறுவர்கள் குழலூவதுதான் கதை என்பார்கள். அது போன்றதுதான் அரைகுறையாளர்கள் எழுதும் வரலாறும் இருக்கும்.   கீழுள்ள தளத்தை படிக்கும் முறை அறிந்து படித்தால் உலக மனித இனத்தின் வரலாற்றைப் பற்றிய முழுமையான  விளக்கம் கிடைக்கும்.  


மனித இனத்தின் வரலாறு மேற்கண்ட தளத்தில் விளக்கமாக கொடுக்கப்பட்டுள்ளது. இதில் அந்த ஆராய்ச்சியில் தமிழ்,  சமஸ்கிருத மொழி இலக்கிய ஆராய்ச்சியும்,வரலாற்று ஆராய்ச்சியும் கலந்து இருந்தால் முழுமையான ஆராய்ச்சியாக இருக்கும். அதற்கான முன்னோட்டம்தான் கீழே கொடுக்கப்பட்டுள்ள தளம். கிழக்கு ஆசியா முழுவதும் தமிழனின் ஜீன்தான் என்பது நிரூபணம் ஆகிவிட்டது. ஆனால் இந்த அரைகுறைகள் தைமூரின் படையெடுப்பால் அங்கிருந்து ஜீன் இங்கு கலந்தாக நம்பிக்கொண்டு இருக்கின்றனர். கொரியா, ஜப்பான் மொழிகளில்  தமிழ் வார்த்தைகளின் கலப்பின் மர்ம முடிச்சு அவிழ்ந்து விட்டது.


ஆங்கில மாதங்களின் பெயர்களின் மூலம்  லத்தீன் என்று அவர்கள் சொல்லலாம். ஆனால் அந்த  லத்தீன் பெயர்களின் மூலத்திற்கும் சமஸ்கிருதத்திற்கும் மிகுந்த சம்பந்தம் இருப்பதைக் காணலாம். உதாரணத்திற்கு செப்டம்பர், அக்டோபர், நவம்பர், டிசம்பர்  என்பதை முறையே சப்தம், அஷ்டம், நவம், தசம் என்பதிலிருந்து வந்தவைதான் என்று சொல்வதற்கு பெரிய மொழி ஆராய்ச்சி தேவை இல்லை. ஆங்கிலமாதங்களின் வரிசை மாறி இருப்பதற்கு பெரிய வரலாறு உள்ளது அது தனிக்கதை .இந்தியாவின் வானியல் தான் உலகெங்கும் பரவியுள்ளது  என்பதும் பரவியமுறையும் கீழுள்ள தளத்தில் காணலாம்.


ஆப்ரிக்காவின் காமரூனின் மொழியும் கிட்டதட்ட தமிழ்தான். ஹங்கேரி மொழியில் 30 சதவீதம் தமிழ் வார்த்தைகள் இருப்பதின் காரணமும் தெரிந்து விட்டது. இந்தோனேஷியா, பாலி, சுமத்ரா  ஆகிய தீவுகளில் இராமாயணமும் மகாபாரதமும் மிக நுணுக்கமான தகவல்களுடன் பரவி உள்ள விதம், இதிகாசங்களின் மூலமே, தமிழும் தமிழனும்தான் என்பதைக் கூறுகிறது. 


இதன் முடிவுகளால் அறியப்படுவது என்னவென்றால் உலகின் எல்லா மதங்களுக்கும்  அடிப்படை இந்துமதம் தான். உடனே இந்து என்ற பெயர்க் காராணத்தை  ஆராயக்கூடாது. பெயர் எதுவாக இருந்தால் என்ன, மதம் என்பது இருந்திருக்கிறது. எவனும் தனக்குதானே பெயர் சூட்டிக் கொள்வதில்லை. என்னதான் பெயர் சூட்டிக் கொண்டாலும் அடுத்தவன் வைக்கும் பெயர்தான் சில சமயம் நிலைக்கும். உதாரணமாக சிவாஜி, எம்ஜிஆர், ரஜினி என்பதெல்லாம் அடுத்தவர் வைத்த பெயர்தான்.  ஏனெனில் பெயரின் தேவையும் அடுத்தவர்களுக்காக ஏற்பட்டதுதான். உதாரணமாக தனித் தீவில் தன்னந்தனியாக சகல அதிகாரங்களோடு திரிபவனுக்கு எதற்கு பெயர்?. இந்திய தீபகற்பத்தில் ஏகபோகமாக பல்லாண்டுகாலம்  இருந்த மதத்திற்கு எதற்கு பெயர்?. அதிலும் மதுரை நகரில் பலருக்கு சொந்தப் பெயரை விட அடுத்தவன் வைத்த பெயர்தான் விளங்குகிறது. ஆக பெயரைப் பற்றிய வரலாற்றை ஆராய்வது எந்த வகையிலும் உதவாது.

இந்து என்றால் ஒருவன் பாரத் என்கிறான், ஒருவன் சிந்து என்கிறான், ஒருவன் இண்டிஸ் என்கிறான், ஒருவன் ஹிந்து என்கிறான் , வக்கிரம்  பிடித்தவனோ இந்து என்றால் திருடன் என்கிறான். அட இவ்வளவு ஏன் தமிழனின் பெயர் தமிழனே அல்ல தமிழ் என்ற பெயரே தமிழில் இல்லை என்பார்கள். 

சங்ககால இலக்கியங்கள் சுமார் 3000 வருடங்களுக்கு முந்தியது என்பதற்கு தரவுகள் தேவை இல்லை. சங்ககால தமிழ் இலக்கியங்களில் மகாபாரதம் மற்றும் இராமாயணக் குறிப்புகள் உள்ளதை  அறியும் பொழுது இதிகாசங்களின் காலம் சங்ககாலத்திற்கும் மிகப் பழமையானது எனத் தெரிய வருகிறது. அதாவது சுமார் 5000 வருடங்களுக்கும் மேலான பழமையானது என வைத்துக் கொள்ளலாம். புறநானூற்றுப் பாடல் ஒன்றிலுள்ள இராமாயண குறிப்பை இங்கே காணலாம். அவசியம் இதைப் படியுங்கள். பாடலுக்கு பரிசளித்த மன்னனின் கொடையையும், அதை  அனுபவிக்கத் தெரியாமல் பரிதவிக்கும் தனது சுற்றத்திற்கு, உவமானமாக ஒரு நுணுக்கமான இராமாயணக் காட்சியை விவரிக்கும் விதம் அருமை.  இந்தக் காலத்தில் உரைநடை பாணியில் உவமானம் சொன்னாலும் புரியாமல் மீண்டும் மீண்டும் கேள்வி கேட்டு உயிரை வாங்கும் " கோவில் புலவர்"களும் இருக்கும் போது  அந்த பரிசளித்த மன்னனை நினைத்தால் புல்லரிக்கிறது.


இந்துமதத்தின் காலத்தை இன்னொரு முறையிலும் கணக்கிடலாம். அதாவது இதிகாசங்களில் உள்ள குறிப்புகளை கொண்டு அதன் காலம் சுமார் 7000 வருடங்களுக்கு முந்தியது என அறிவியல் கூறுகிறது. ஏனெனில் இதிகாசங்களில் இராமர் பிறந்தது, பட்டாபிஷேகம் செய்தது, மற்றும் அனைவரின் பிறந்த நேரமும் (ஜாதகமும்) உள்ளது. அது போல்  மகாபாரத கதை நாயகர்கள் பிறந்தது , போர் நடந்தது போன்ற  ஒவ்வொரு நிகழ்வும் கோள்களின் நிலையைக் கொண்டு குறிப்பிடப் பட்டுள்ளது. கோள்களின் நிலையைக் கொண்டு காலத்தை அறியும் இன்றைய நவீன மென்பொருள் கொண்டு  கணக்கிடும் போது, அவைகளும் சுமார் 7000 வருடங்களுக்கு முந்தியது எனக் காட்டுகிறது.

The planetary positions on 16th October 5561 B.C., the date of commencement of the Mahabharat War, have been calculated and known [Dating of the Mahabharat, by Dr. P.V. Vartak]. Therefore, calculating further backwards for the astral  combination noted above, the date  concludes to be 4th December 7323 B.C. On this date, Saturn was at 205 deg., Jupiter at 94 deg., Mars between 283 and 298 deg., Rahu at 179 deg. and Sun at 2 degrees. 4th Dec. 7323 therefore is the date of birth of Rama, when the aforementioned 4 planets exalted. Venus is always within 47 degrees from the Sun, and might be in Pisces in an exalted state. Thus Rama's date is confirmed. 



ஏழாயிரம் வருடங்களுக்கு முன் கோள்களைப் பற்றிய அறிவுடன் அதிலும் ராகு கேது மற்றும் திதி(ராமநவமி) ஆகியவை பற்றிய தெள்ளிய அறிவுடன்  அவ்வளவு முன்னேறிய சமூகம் அங்கே நிலவி இருக்கும் என்றால் ,  அந்த நிலைக்கு அச்சமூகம் வளர எடுத்துக் கொண்ட காலத்தின் அளவு சுமார் 10000 வருடங்களுக்கு மேலாக இருக்கும் என்பதில் சந்தேகம் இல்லை. மகாபாரதத்தில் தமிழனைப் பற்றிய குறிப்புகளும் காணப் படுகிறது. கடைச் சங்கம் தோன்றி 3000 வருடங்களுக்கு மேல் ஆகிவிட்டதென்றால் முதற்சங்கம், இடைச் சங்கம் ஆகியவை சுமாராக 10000 வருடங்களில் தோன்றியவையாக இருக்க முடியும். ஆகவே இந்துமதம் 20,000 வருடங்கள் பழமையானது என்பதில் சந்தேகம் இல்லை.

 சமஸ்கிருதம்  எனும் தேவ பாஷை எப்படி உருவானது ?. 
அடுத்த பதிவில் பார்ப் போம்.(கீழே கிளிக் செய்யவும்)

மேலும் படிக்க...!

முந்தைய பதிவு

இனவிருத்தி விஷயத்தில் ஆணை பொறுத்த வரையில் இயற்கை அளப்பறிய சக்தியை கொடுத்துள்ளது. ஒரு ஆண் ஒருமுறை வெளியேற்றும் 2 மிலி முதல் 3 மிலி (ஒரு டீஸ்பூன் அளவுள்ள ) விந்து திரவத்தில் சற்றேறக் குறைய 40 மில்லியன் விந்தணுக்கள் உள்ளன. ஒவ்வொன்றும் ஒரு பெண்ணின் முட்டையை கருவுறச் செய்ய முடியும் என்றால் பார்த்துக் கொள்ளுங்கள்.

அடுத்து ஆண்களின் குறைபாடு, என்பது, ஆண்குறி விறைப்பு, விந்தின் தன்மை,விந்தணுவின் எண்ணிக்கை, விந்தணுவின் இயக்கம் ஆகியவை சார்ந்து இருக்கும். பொதுவாக விந்தணுவின் தன்மையை பாதிக்கும் காரணிகள் விந்துப் பையின் வெப்ப நிலை மற்றும் பரம்பரைக் கோளாறாகும்.

மனிதனுக்கு உடல் முழுவதற்குமான பொதுவான வெப்ப நிலைக் கட்டுப்பாடு (Centralised Temperature Control) உள்ளது. அது உடலை 98.6 டிகிரி ஃபாரன்ஹீட் அல்லது 37 டிகிரி செல்ஸியஸில் வைத்திருக்கும் ஒரிரு டிகிரி கூடினால் காய்ச்சல், ஒரிரு டிகிரி குறைந்தால் ஜன்னி என்று அலாரத்துடன் தன்னைத் தானே ஓரளவுக்கு சரிசெய்து கொள்ளும் வகையில் இருக்கிறது.

அதெல்லாம் போதாது என்று இன்னும் சிறிய அளவில் விதைப்(Testicles) பைகளுக்கென்று தனியாக ஒரு வெப்ப நிலைக் கட்டுப்பாடும் (Temperature Control) உள்ளது. மனிதனின் பரிணாம வரலாற்றில் அதற்கு ஒரு முன் கதைச் சுருக்கம் உள்ளது. அதை என்னவென்று பார்ப்போம்.

ஒற்றைச் செல்களின் சங்கமத்தில் இருந்து உருவான இந்த மனித உடலை, அதே போன்றுள்ள பூஞ்சைகளும், பாக்டீரியாக்களும்,ஒற்றைச் செல்களும் எளிதில் தாக்கி அழிவுக்கு உள்ளாக்கும் நிலையில் இருந்து தப்பிக்க, பரிணாமத்தின் போக்கில் கையில் எடுத்த ஆயுதம்தான் இந்த "உயர்ந்த வெப்பநிலை". தானே உருவாக்கிய வெப்பநிலையை தானே தாங்கிக் கொள்ளலாம். ஆனால் மற்றைய பூஞ்சைகள் அதற்கு தாக்குப் பிடிக்க முடியாது.

உடலுக்கு எவ்வளவுக்கு அதிகமாக வெப்பநிலை தேவையோ அந்த அளவிற்கு அதை நிர்வகிக்க அதிகமான (எரிபொருள்) உணவு உண்ண வேண்டும். அதாவது சாப்பிடுவதைத் தவிர வேறு வேலை ஏதும் பார்க்காமல் இருந்தால் மிக உயர்ந்த வெப்ப நிலையை உருவாக்க முடியும். ஆனால் அது நடைமுறையில் சாத்தியப்படாது முடியாது. சரி இப்பொழுது எழும்பக் கூடிய முக்கியமான கேள்வி என்னவென்றால், மனிதன் சாதரணமாக உண்ணக் கூடிய உணவினால் அதிக பட்ச பூஞ்சைகள்,செல்களை ஒழிக்க, மனித உடல் வைத்துக் கொள்ளக் கூடிய மிக அதிகபட்ச வெப்ப நிலை என்ன?. அதாவது கஷ்டப் படாமல் தேடக்கூடிய அல்லது கிடைக்கக் கூடிய உணவினால், வைத்துக் கொள்ளக் கூடிய அதிகபட்ச வெப்பநிலை என்னவாக இருக்கும்.? இதை ஆராய்ந்த மனித உடல், 37 டிகிரி ஃபாரன்ஹீட்டை தேர்ந்தெடுத்து உள்ளது. அதனால்தான் மனிதன் தன்னை வெப்ப இரத்த பிராணி என்று சொல்லிக் கொள்கிறான்.

இன்றைய அறிவியல் மூலம் மனித எடை, அவனுக்கு கிடைக்கும் சராசரி உணவு, மனிதனின் மெட்டபாலிச ரேட், குளுக்கோஸ் உற்பத்தி, பூஞ்சைகளின் வாழ்க்கை முறை, அவைகளின் வாழும் வெப்ப நிலை ஆகியவை மூலம் அந்த ஆப்டிமம் டிகிரி என்னவாக இருக்கும் என்று கம்ப்யூட்டரின் துணை கொண்டு கண்டு பிடிக்கப் பட்டது. அதுவும் 36.7 டிகிரி என்று வந்தது. மனித உடம்பு இயற்கையாகவே வைத்திருக்கும் வெப்ப நிலையும் கிட்டத்தட்ட 37 டிகிரியாக இருப்பதுதான் ஆச்சரியம். மனித உடம்பில் இருக்கும் நிபாவுக்கு (யாரிவர்?)  தெரியாத கணக்கும் அறிவியலும் உண்டா என்ன?.

ஆனால் இப்பொழுது பிரச்னை என்னவென்றால் நமது உடம்பில் தயாராகும் விந்தணுவும் ஒரு வகையில் பூஞ்சை மாதிரி நுண்ணுயிரிதான். அதற்கு இந்த உடம்பின் வெப்ப நிலை ஆகவே ஆகாது. மீண்டும் படிக்கவும் அதற்கு இந்த உடம்பின் வெப்ப நிலை ஆகவே ஆகாது எனவே அவை உருவாகுவதற்கும் பத்திரப் படுத்துவதற்கும் தனியான வெப்ப நிலையை நிர்வகிக்க வேண்டும். விந்து உருவாகுவதற்கும், உயிர்ப்புடன் இருப்பதற்கும் இந்த அதிகபட்ச உடம்பின் வெப்ப நிலையாகிய 37 டிகிரியை விட சுமார் 5 டிகிரி வரையாவது  குறைவாக இருக்க வேண்டும். அதற்காக ஏற்பட்டதுதான் இந்த தனித்துவமான விந்துப் பைகள்.

20–39 வயதில், 90% ஆண்களுக்கு ஆரோக்கியமான விந்தணுக்கள் உற்பத்தியாகும்.
40–69 வயதில், 60% ஆண்களுக்கு ஆரோக்கியமான விந்தணுக்கள் உற்பத்தியாகும்.
70-90 வயதில்,10% ஆண்களுக்குத் தான் ஆரோக்கியமான விந்தணுக்கள் உற்பத்தியாகும்.

இந்த விந்துப் பைகளில் தினசரி 120 மில்லியன் விந்தணுக்கள் உருவாகுகிறது அவை முழுமையாக வளர்ச்சியடைவதற்கு 10 லிருந்து 12 வாரங்கள் தேவைப்படுகிறது. இவ்வளவு நாட்கள் வளர்ந்தாலும் அதனுடைய ஆயுள் என்னவோ அற்பம்தான். ஆணுறுப்பிலிருந்து பீச்சி வெளி யேற்றப் படும் விந்தணுக்கள் அதிகபட்சமாக பெண்ணின் கருப்பையில் உள்ள வெப்ப நிலையில் மூன்று அல்லது நான்கு நாட்கள் வரை உயிருடன் இருக்கும். அதற்குள் அது உயிருள்ள முட்டையை கண்டு பிடித்து அதனுடன் சேர வேண்டும்.

விந்து பை அதிகமாக வெப்பமடையும் பொழுது தானாக விந்து பை விரிந்து நீளமாக தொங்கி புறத்தோலின் கனத்தை குறைத்து உள்ளே நிலவும் அதிகமான வெப்பத்தை வெளியேற்றுவதுடன், புறத்தோலின் பரப்பளவை அதிகப்படுத்தி அதன் மூலம் வியர்வையை ஆவியாக்கி தனது வெப்ப நிலையை குறைத்துக் கொள்ளும். அதிகமாக குளிர்ச்சி அடையும் போது விந்துப் பைகள் சுருங்கி புறத்தோலின் கனத்தை அதிகரித்து வெப்பத்தை வெளி விடாமலும் குளிர்ச்சியை உள்ளே விடாமலும் ஒரு குறிப்பிட்ட வெப்ப
நிலையில் வைத்திருக்கிறது.


வெப்பமான சூழ்நிலையில்.



குளிர்ச்சியான சூழ்நிலையில்


வியர்வையினால் நமது உடம்பு, வெப்ப நிலையை சுமார் நான்கு டிகிரிக்கும் மேல் குறைக்கிறது. புது மண் பாணையும் இதே தொழில் நுட்பத்தில் தான் சூழ்நிலையைக் காட்டிலும் நான்கு டிகிரி குறைவாக தண்ணீரை வைத்திருக்கிறது. பொதுவாக திறந்திருக்கும் தண்ணீரின் வெப்பநிலையும் சற்று குறைவாகத்தான் இருக்கும்.அதிலும் புதுப்பாணையாக இருந்தால் மட்டுமே குறைவான வெப்ப நிலையில் வைத்திருக்கும். பாணையிலுள்ள நுண் துளைகள் வழியே வெளியேறும் தண்ணீர் ஆவியாகும் போது ஆவியாவதற்கு தேவையான வெப்பத்தை பாணையில் இருந்து எடுத்துக் கொள்கிறது. அதனால் பாணைத் தண்ணீர் குளிர்ச்சி அடைகிறது. அது போல் உடம்பு தோலின் மூலம் வியர்வையை வெளியேற்றுகிறது. அவ்வியர்வை ஆவியாகத் தேவையான வெப்பத்தை உடலிருந்து எடுத்துக் கொள்கிறது. அதனால் உடலின் வெப்பம் குறைகிறது. பழைய பாணையில் அந்த நுண்துளைகள் அடைபட்டு விடுவதால் நீரில் குளிர்ச்சி இருக்காது.

அது சரி, நீர் ஏன் ஆவியாக வேண்டும்?. நீர் மட்டுமல்ல எல்லாத் திரவங்களும் எல்லா வெப்ப நிலைகளிலும் ஆவி ஆகிக் கொண்டேதான் இருக்கிறது. உயர்ந்த வெப்ப நிலையில் அதிகமாகவும் தாழ்ந்த வெப்ப நிலையில் குறைவாகவும் நடக்கிறது. ஒவ்வொரு திரவமும், சாதாரண காற்றழுத்தத்தில் ஒவ்வொரு வெப்ப நிலையிலும் திரவமும், ஆவியும் நீ இவ்வளவு இருக்க வேண்டும் நான் இவ்வளவு இருக்க வேண்டும் என எல்லை பிரித்துக் கொள்கிறது. காற்றில் ஒரு குறிப்பிட்ட டிகிரியில் நீராவி இவ்வளவுதான் இருக்க வேண்டும் என்ற கணக்கு இருக்கிறது. நீர் ஆவியாகி தன் அளவை எட்டி விட்டால் ஆவியாதல் குறைந்து விடும். அப்பொழுதான் நமது உடம்பு வியர்த்தாலும் வியர்வை ஆவியாகாமல், வெப்ப நிலை குறையாமல் “உப்புசம்” என்ற நிலை ஏற்படுகிறது. சிலசமயம் நீடித்த “உப்புச” நிலை ஸ்ட்ரோக்கை உருவாக்கிவிடும்.

விந்துபை ஒரு பயோ தெர்மல் ஃப்ளாஸ்க் மாதிரி அதன் உள்ளே இருக்கும் விந்தணுவின் வெப்ப நிலையை ஒரே டிகிரியில் வைத்திருக்கும். ஆக ஆணின் உடம்பில் குறைந்த வெப்பநிலை உள்ள பகுதி தொடை இடுக்குதான் அதனால் தான் அங்கு எளிதாக பூஞ்சை தொற்று ஏற்பட்டு விடுகிறது.

விந்தணுக்கள்(Sperm) விதைப் பையில், உற்பத்தியாகி விந்து (Semen) திரவத்துடன் கலந்து ஒரு நீண்ட சுருண்ட குழாயில் தங்கி இருக்கிறது. கலவியின் போது, உணர்ச்சியின் உச்சக்கட்டத்தில் சுருண்ட குழாய் நேராக்க முயற்சிக்கும் போது அழுத்தம் ஏறப்ட்டு பீச்சி அடிக்கப்படுகிறது.அவ்வாறு பீச்சி அடிக்கப்பட்ட விந்தணுக்கள் பெண்ணுறுப்பின் உள்ளே சென்று, கர்ப்பபையில் இருக்கும் முட்டையை தேடிச் சென்று அடைவதை ஒரு வீடியோ கேம் உடன் ஒப்பிடலாம். ஒவ்வொரு ஸ்கிரினிலும் ஒவ்வொரு விதமான தடைகள், ஒரு சில தடைகளை வெல்லும் போது வீடியோ கேம் போன்று லைஃபும், ஆயுதமும் கிடைக்கிறது.






விந்தணுக்கள் உருவாகி விந்துவுடன் கலந்து மூத்திரக்குழாய் வழியாக  பீச்சியடிக்கப்படுதல்

ஆணுறுப்பில் இருந்து விந்து பீச்சி அடிக்கப்படும் போது ஏற்படும் அழுத்தத்தினால் செயலிழந்தவை போக மீதம் 25 சதவீதம் விந்தணுக்கள் தான் வலிமையுடன் இருக்கின்றன. அவற்றில் விந்தின் அமிலத்தன்மை மற்றும் வெப்ப நிலை ஆகியவற்றாலும், பெண்ணுறுப்பில் இருக்கும் திரவத்தின் வேதியல் பண்புகளாலும், அழிக்கப்பட்டவை போக 400 அணுக்களே எஞ்சிருக்கின்றன. சாதாரண சூழ்நிலையில் விந்தணுக்கள் கர்ப்பபையின் நுழை வாயிலில் உள்ள சளி போன்ற சுவற்றுப் பகுதியை துளைக்க முடியாது ஆனால் முட்டை உருவாகும் தருணத்தில் மட்டும் ,அவை மென்மையாகி வழிவிடும். அந்தத் தடையை கடந்து சுமார் 400 அணுக்களே செல்ல முடிகிறது. இன்னும் நான்கு நாட்கள் தாக்கு பிடித்து போராட வலிமை உள்ளவையே முட்டையை அடைய முடியும். அவ்வாறு வலிமை உள்ள சுமார் 40 அணுக்களே கடைசியில் போராடி கர்ப்ப பையை அடைகின்றன. 


கர்ப்பபைக்குள் சென்றவுடன் அங்கு அதற்கு பூர்ணகும்ப மரியாதையுடன் புதிய சக்தியும் ஒரு சிறப்பான ஆயுதமும் அளிக்கப் படுகிறது. ஆயுதம் என்றால் திரிசூலம், வேல் என்றும், சக்தி என்றால் மின்னலையும் நினைத்துக் கொள்ளக்கூடாது. மைக்ரோ லெவலில் யோசிக்க வேண்டும். சக்தி என்றால் குளுக்கோஸ் சொட்டும், ஆயுதம் என்றால் துப்பாக்கி குண்டில் ஒட்டப் பட்டிருக்கும் கேப் போல் விந்தணுவின் தலையில் தடவப்படும் சிறிய பொட்டு போன்ற மையும்தான். அங்கு தரப்படும் சக்தியினால் புதிய வேகம் எடுத்து, அதன் தலையில் தடவப்பட்ட ஒரு வித வேதியல் கலவையினால் அது முட்டையை துளைத்து உள்ளே செல்ல முடிகிறது. பொதுவாக முதலில் துளைக்கும் அணுவுக்கே வெற்றி கிடைக்கிறது.லட்சத்தில் ஒரு நிகழ்வாக இரண்டு அணுக்கள் கூட வெற்றி பெறும் வாய்ப்பு ஏற்படுகிறது. மற்றவற்றிற்கு கதவு மூடப்பட்டுவிடும். எஞ்சியவை அழிக்கப் படுகின்றன. முட்டையும் விந்தணுவும் கலந்து ஒரு ஒற்றை செல்லாக மாறுகிறது பின்னர் இது "இரண்டுபடுதல்" மூலம் பெருகி வளர்ந்து குழந்தையாக மாறுகிறது.

சில சமயங்களில் ஒற்றை அணுவின் மூலம் கருவுற்ற முட்டை இரண்டாக பிளவு பட்டு, தனித்தனியாக வளர்ந்து ஒற்றுமைகள் அதிகமுள்ள இரட்டைக் குழந்தைகளாக பிறக்கின்றன. இவைகள்தான் சர்வ சாதரணமாக காணப் பெறும் ஒரு வகையாகும். ஆனால் லட்சத்தில் ஒரு நிகழ்வாக, ஒரே ஆணின் இரண்டு அணுக்கள் அல்லது வெவ்வேறு ஆண்களின்!!! ஆமாம் வெவ்வேறு ஆண்களின் இரண்டு அணுக்கள் ஒரே முட்டையை துளைத்து வெற்றி பெறும் சந்தர்ப்பமும் ஏற்படுவதுண்டு. அது இரட்டைக் குழந்தைகளில் வேற்றுமைகள் அதிகமுள்ள அபூர்வ வகையாகக் கருதப்படும்.

தொடரும்.........

மேலும் படிக்க...!
முந்தைய பதிவு
நாம் அறிந்தோ அறியாமலோ, காமத்தில் நம்மை வலுக் கட்டாயமாக ஈடுபடுத்தும் அந்த இச்சா சக்தியின், அடிப்படை தேவை புத்திர உற்பத்திதான். மகாபாரதத்தில் பித்ரு பிண்டம் கொடுப்பது, அல்லது நீத்தார் நினைவு என்பது பற்றி பாண்டு எவ்வளவு வருத்தப் படுவான் என்பது மகாபாரதத்தை சிரத்தையுடன்  படித்தவர்களுக்குத் தான் தெரியும். அதனால்தான் குழந்தை வேண்டும் முயற்சியில் தனது உயிரையே விட்டான்.

பித்ரு பிண்டம் கொடுப்பது (திதி) ஒருவகையில் பார்த்தால் இன்னாரின் வாரிசுகள் இப்பூமியில் சந்தோஷமாக இருக்கிறார்கள் என்பதை இப்புவியில் இருக்கும் சக மனிதர்களுக்கு மட்டுமல்லாது  அதை அவர்களது முன்னோர்களுக்கு தெரிவிப்பதும் அதை அவர்கள் அறிந்து கொள்ளும் ஒருவித நுட்பமும் கொண்ட சடங்காகும். உயிரின் அடிப்படையே சந்ததிகளை உருவாக்குவதும், அதை பாதுகாப்பதும் ஆகும். தன் வாரிசுகள் பூமியில் நிலைத்து இருக்க வேண்டும் என்பதற்காக உயிர் இனங்கள் என்னென்ன செய்கின்றன என்பதை எனது முந்தைய பதிவுகளில் காணலாம்.

ஒரு எருக்களை செடி  கூட தனது விதைகளைப் பரப்புவதற்கு முதலில் காயை வெடிக்கச் செய்து, விதைகளைத் தூவுகிறது. பின்னர் ஒருசமயம், விதைகள் மொத்தமாய் விழுந்து ஒரே இடத்தில் கிடைக்கும் குறைந்த வாய்ப்புகளை மொத்தமாய் பயன்படுத்தி, மொத்தமாய் அழிய வேண்டுமா? என்ற கேள்விக்கு பதிலாகத் தன் விதைகளில் மயிர்க்கால்களை ஒட்ட வைத்து வெடித்தவுடன், காற்றின் வேகத்தில் தூரங்களை கடந்து புதிய இடங்களில் வெற்றிக் கொடியை நட்டு, இனத்தைப் பரப்புகிறது. இதெல்லாம் ஓரிரவுக்குள் நடந்த மாயாஜாலம் அல்ல .காலங்களை யுகங்களாக விழுங்கிய அறிவியல் செயற்பாடு. 

இனத்தைப் பூமிப் பரப்பின் மீது பரப்புவதில் உயிரினங்கள் ஏன் அக்கறை எடுத்துக் கொள்கிறது என்பதைப் பற்றியும் முந்தைய பதிவுகளில் பார்த்தோம்.
முதலில் குழந்தை எப்படி பிறக்கிறது, அதிலுள்ள சிக்கல்கள் என்ன? தீர்வு என்ன? என்பதை மேலோட்டமாகப் பார்ப்போம். திருமணமாகும் ஆறு ஜோடியில் ஒரு ஜோடிக்கு குழந்தை பிறப்பதில் சிக்கல் என புள்ளி விவரம் கூறுகிறது. மருத்துவச் சோதனைகள் என்று போய் விட்டால் அதற்கு ஒரு பெரிய அட்டவணையே உள்ளது. மாதவிடாய், முட்டைப்பை, முட்டையின் முழுமை, ஃப்ல்லோப்பியன் குழாய், கர்ப்பப்பையின் பின்வாசல்,  கர்ப்பப் பையின் நுழைவாசல், பெண்ணுறுப்பு, ஆணுறுப்பு, விந்துப் பை, விந்துக் குழாய், விந்து, உயிரணுவின் தன்மை, என்று பலவகையிலும் பார்க்க வேண்டும். முருகன் மயிலேறி உலகைச் சுற்றி வந்த கதையாகி விடும் .

ஆகவே அதை விடுத்து விநாயகர் பாணியில் நல்லதையே எண்ணி மேலோட்டமாகச் சில சோதனைகளை செய்து விட்டு அடுத்த கட்ட நடவடிக்கைக்கு செல்லுங்கள். மருத்துவ ரீதியாக அணைத்து தகுதிகள் இருந்தும் 25 சதவீத பேருக்கு குழந்தை தாமதமாக அல்லது இல்லாமல் போவதற்கும் வாய்ப்புகள் உள்ளன. அவை அதிகரிப்பதும் கணக்கில் கொள்ளத்தக்கது. 
மேலோட்டமானவை என்பது கீழ்க் கண்டவைகள்தான்.
1 மாதவிடாயின் சீர்மை
2 விந்தணுவின் எண்ணிக்கை மற்றும் இயக்கம்
3 பார்க்கும் வேலையின் தன்மை
4 ஆர் ஹெச்( Rh factor) ஒவ்வாமை
5. பி.எம் ஐ (Body Mass Index) இண்டெக்ஸ்
6 வாழ்க்கை முறை

முதலில் மாதவிடாய் பற்றி தெரிந்து கொள்வது நல்லது
பெண்ணுக்கு முட்டைப் பைகள் இரண்டு உள்ளது. மாதம் ஒரு முறை ஒவ்வொன்றி லிருந்தும் மாற்றி மாற்றி ஒவ்வொரு முட்டையாக ஃபலலோப்பியன் குழாய் மூலமாக முட்டை கருப்பையை அடைகிறது. கலவிக்குப் பின் பெண்ணுறுப்பின் வழியாக வரும் கோடான கோடி விந்தணுக்களில் ஏதாவது ஒன்று கருப்பைக்கு வந்து  முட்டையை துளைத்து உள்ளே சென்று கருவுறச் செய்கிறது.

                                    

ஒரு பெண் பிறக்கும் போதே தனது முட்டைப் பையின் இரு பிரிவுகளில், ஒவ்வொன்றிலும் தலா ஒரு மில்லியன் (1,000,000) முழு வளர்ச்சி அடையாத முட்டையின் கருக்களுடன் பிறக்கிறாள். கூட்டிக் கழித்துப் பார்த்தால் அதிகபட்சமாக பத்து பிள்ளைகள் பெற்றுக் கொள்ளும் பெண்ணுக்கு எதற்கு ஒரு மில்லியன் முட்டைகள்? இங்குதான் மனிதன் தன்னை எவ்வளவு முன்னெச்சரிக்கையுடன் தாரளமாகத் தகவமைத்துக் கொண்டான் என்பதை அறியமுடிகிறது. 

எப்பொழுதுமே மனித உடம்பு, தேவைக்கு மேல் 50 சதவீதம் அதிகமான உடலுறுப்புகளுடன் தான் தகவமைக்கப் பட்டுள்ளது. நுரையீரல், கிட்னி, மூக்கு துவாரம், முட்டைப் பைகள், விதைப் பைகள், கண், காது, கை, கால் என எல்லாமே இரண்டிரண்டாக  உள்ளது. தேவைக்கு மேல் 50 சதவீதம் அதிகமான வயிறு, 50 சதவீதம் அதிகமான கல்லீரல், 80 சதவீதம் அதிகமான மூளை, 80 சதவீதம் அதிகமான குடல், ஒரு கோடி மடங்குக்கு அதிகமான விந்து., ஒரு மில்லியன் மடங்கு அதிகமான முட்டை என எல்லாமே தேவைக்கு அதிகமாகத் தான் உள்ளது. இந்த வகையில் மனித இனத்திற்கு ஏதாவது ஒரு காலத்தில் (தேவைப் பட்ட) அல்லது தேவைப் படும் போது பயன் படுத்திக் கொள்ளலாம் என்பதற்கான ஏற்பாடாக ஒரு மில்லியன் முட்டைகள் இருக்கலாம்.

பருவம் எய்தும் போது, அதில் ஐந்தில் ஒரு பங்குதான் அதாவது சுமார் 2,00,000 + 2,00,000 மிஞ்சியிருக்கின்றன. மற்றவை ஒருவித நடை முறையை பின்பற்றி அழிக்கப்படுகின்றன. பெண்ணிற்கு கருத்தரிக்கும் காலம் சுமார் 13 வயதிலிருந்து 53 வயது வரை உள்ள மாதவிடாய் காலம் தான். இந்த சுமார் 40 வருடங்களில் வருடத்திற்கு சுமார் 12 முட்டைகள் என்ற விகிதத்தில் சுமார் 500 முட்டைகள் மட்டுமே இன விருத்திக்கு தயார் படுத்தப் படுகிறது. முட்டையின் அளவோ கண்களால் பார்த்தறிய முடியாத அளவுக்கு மிகவும் சிறியது.( .02mm) .முட்டை எப்படி முழுமை அடைகிறது?, எப்பொழுது முழுமை அடைகிறது? என்பது இதுநாள் வரை மர்மமாக இருந்தது. பிரிட்டிஷ் ஆராய்ச்சியாளார் வேறெரு அறுவை சிகிச்சை  செய்யும் பொழுது தற்செயலாக முட்டை முழுமை அடைவதை தனது கேமிராவில் பிடிக்க நேர்ந்தது. அவைதான் கீழ்க் கண்ட படங்கள் . வைரமுத்து கூறியதைப் போல் தண்ணீர்க் குடத்தில் தான் பிறக்கின்றோமோ!


குழந்தை ஏதும் பெற்றுக் கொள்ளவில்லை என்றால் வெளியேறிய முட்டைகள் தவிர மற்றவை எல்லாம் முழுமை அடையாமல் மாதாந்திர தவணை முறையில் அழிக்கப் படுகிறது.  மிச்சம் உள்ள முட்டைகளும் மாதவிடாய் நிற்கும் (மெனோபாஸ் ) காலத்தில் முற்றிலும் அழிக்கப் படுகிறது. குழந்தைகளை வரிசையாக இடைவெளி இல்லாமல் பெற்றுக் கொண்டால் ஒரு பெண் அதிகபட்சமாக 60 (இரட்டைக் குழந்தைகளையும் சேர்த்து) குழந்தைகளைப் பெற்றுக் கொள்ளலாம்.

இதனால் தெரிவது என்ன வென்றால் குசேலர் 27 குழந்தை பெற்றுக் கொண்டது பெரிய ஆச்சரியமல்ல. ஏனென்றால் ஒரு ரஷ்யப் பெண் 27 பிரசவத்தில் 69 குழந்தைகள் பெற்றதாக கின்னஸ் ஆவணப்படி தகவல் உள்ளது. தமிழ்நாட்டில் 16 குழந்தைகள் பெற்றவர்களுக்கு பரிசு கொடுத்து கெளரவித்த வரலாறும் தமிழனுக்கு உண்டு. இந்த விஷயம் தெரியாமல் பெரியார் முட்டாள்தனமாக குசேலர் 27 குழந்தைகள் பெற்றுக் கொண்டது நம்ப முடியாத பொய் எனக் கூறுவதும். அதற்கு மடத்தனமான விசிலடிச்சான் குஞ்சுகள் விசில் போடுவதும் தமிழ் நாட்டில் “பகுத்தறிவின்” வளர்ச்சியைக் காட்டுகிறது,.
கர்ப்பபை என்ற அரண்மனையில் என்னதான் நடக்கிறது?

இரா.சந்திரசேகர்
பழனி.



மேலும் படிக்க...!

உங்களுக்கு சமீபத்தில் திருமணமாகிருந்தால் பிறக்கப் போகும் குழந்தை ஆணா பெண்ணா என அறிந்து கொள்ளூம் எளிய வழி.

  
கீழே கொடுக்கப்பட்டுள்ள கேள்விகளுக்கு நீங்கள், அல்லது உங்கள் துணைவர் அல்லது இருவரும் மிகவும் உண்மையான பதிலை எழுதிக்கொள்ளுங்கள்.  



1) உங்கள் துணைவர் உங்களை விட அழகானவரா?. 
2) உங்கள் துணைவர் உங்களை விட செல்வந்தரா?.
3) உங்கள் துணைவர் சமூகத்தில் உங்களை விட புகழ் வாய்ந்தவரா?.
4) உங்கள் துணைவரின் குடும்பம் உங்கள் குடும்பத்தை விட செல்வாக்கு மிக்கதா?.
5) உங்கள் துணைவர் உங்களை விட முன்கோபியா?, (ஆணாக இருந்தால் முகத்தில் பெரிய மீசை உள்ளவரா?) அல்லது சிடுமூஞ்சியா?.
6) உங்கள் துணைவரைக் கண்டால் பயமா?.
7) நீங்கள் வேலை பார்க்கும் இடத்தில் எதிர் பாலினத்தார் மிகவும் அதிகமா? .
8) உங்கள் துணைவர் உங்களை விட வெள்ளையான தோல் நிறம் கொண்டவரா?.
9) உங்கள் துணைவர் உங்களை விட செக்ஸில் ஆர்வமும், திறமையும் உள்ளவரா?.
10) உங்கள் துணைவர் எல்லா விஷயங்களிலும் உங்களை விட தைரியமானவரா?.
11) நீங்களிருவரும் குடியிருக்கும் (இருந்த) வீட்டில், நெருங்கி உள்ளவர்களில் அதாவது உடன் பிறந்தவர்கள், பிறந்தவர்கள், பெற்றோர், பெற்றோரின் பெற்றோர்கள், ஆகியோரில் உங்கள் துணைவரின் பாலினம் அதிகமாக உள்ளனரா?.
12) உங்கள் துணைவர் உங்களை விட ஸ்டைலாகவும், சுத்தமாகவும், நேர்த்தியாகவும் உடை அணிபவரா?.
13) மொத்தத்தில் உங்கள் வீட்டில் ஒரு விஷயத்தைப் பற்றியதில் உங்கள் துணைவரின் முடிவுதான் இறுதியானதா?


நீங்கள் ஆணாய் இருந்து அத்தனை கேள்விக்கும் உங்களது பதில் ஆம் என்றால் உங்களுக்கு பிறக்கும் அத்தனை குழந்தைகளும் ஆண்தான். ஏழு என்றால் முதலில் பிறக்கும்  குழந்தை ஆண்தான். ஏழுக்கும் மேல் ஆம் என்றால் முதலில் பிறக்கும் இரண்டு குழந்தைகளும் ஆண்தான்.
 
 நீங்கள் பெண்ணாய் இருந்து அத்தனை கேள்விக்கும் உங்களது பதில் ஆம் என்றால் உங்களுக்கு பிறக்கும் அத்தனை குழந்தைகளும் பெண்தான். ஏழு என்றால் முதலில் பிறக்கும்  குழந்தை பெண்தான். ஏழுக்கும் மேல் ஆம் என்றால் முதலில் பிறக்கும் இரண்டு குழந்தைகளும் பெண்தான்.


என்ன குழந்தை என்பதை பிறகு பார்ப்போம் முதலில் குழந்தை எப்படி பிறக்கிறது சிலருக்கு ஏன் காலதாமதம் ஆகிறது. பிறப்பதற்கு வழிமுறைகள் என்ன என்பதைப் பார்ப்போம்.

 

மேலும் படிக்க...!
தமிழக மின்வெட்டும், யுபிஎஸ்ஸூம்.6

தமிழகத்தின் கடன் 53,000 கோடி என்பது படித்தவர்களையும், முறையான,  நேர்மையான அரசாட்சியில் நம்பிக்கை உள்ளவர்களையும் அதிர்ச்சி அடைய வைத்திருக்கும். ஆனால்  இன்றைய அரசாள்பவர்களுக்கும் அரசியல் வாதிகளுக்கும்  இதெல்லாம் ஜூஜூபி என்று நிரூபித்துவிட்டார்கள். இன்னும் இரண்டு வருடங்களில் தமிழக மின் துறை தன்னிறைவு அடைந்து  மிகுதியான  லாபம் ஈட்டும் துறையாக மாறிவிடும். அதைத் தொடர்ந்து ஊழியர்களின் சம்பள உயர்வு கோரிக்கை வலுவடைந்து போராட்டம் வெடிக்கலாம்.

கடந்த ஆண்டில் வீடுகளுக்கு, 8,678 கோடி ரூபாய்க்கு வினியோகிக்கப்பட்டு, கட்டணம் வசூலிக்கப் பட்டுள்ளது. வரும் ஆண்டில் மிதமிஞ்சிய  கட்டண உயர்வால் 20,000 கோடி வருவாய் ஈட்டும்  அந்த அளவிற்கு ஈவு இரக்கமின்றி கட்டணம் உயர்த்தப் பட்டுள்ளது. 20,000 கோடி வருவாய் இருந்தால் 53,000 கோடி கடன் என்பது எளிதான விஷயம்தானே. இதெல்லாம் கிடக்கட்டும். இதை எழுதினால் மனவழுத்தம் அதிகமாகும். ஆகவே நான் யுபிஎஸ் வாங்கிய கதையை பகிர்ந்து கொள்கிறேன்.

மின்வெட்டால் ஒரு நாளைக்கு, 8 மணிநேரம் கணிணி உபயோகம் , மின் விசிறி உபயோகம் இல்லாமல் பொழுதைப் போக்குவது பெரும் பாடாய் இருந்தது. இருந்தாலும் மூன்றில் ஒரு பங்கு மின் உபயோகம் மிச்சமாவதால் அமைதி காத்து ஆறு மாதங்கள் இருந்தேன். ஆனால் ஒரு கட்டத்தில்  எட்டு மணி நேரத்திற்கும் மேலாக மின்வெட்டு என்பது அரசாங்கத்தின் அராஜகமாகத் தெரிந்தது. ஆகவே யுபிஎஸ் வாங்கலாமா அல்லது  போர்ட்டபிள் ஜென்செட் வாங்கலாமா என்று யோசித்தேன். முதலில் நமக்குத் தேவையான மின்சாரத்தின் அளவை கணக்கிட  வேண்டும். அதை எப்படி கணக்கிடுவது.

மின்வாரிய கட்டண கணக்கீட்டு அட்டையைப் பார்த்த பொழுது  சராசரியாக  இரண்டுமாதத்திற்கு ஒரு முறை 400 யூனிட்டுகள் உபயோகிப்பது தெரிய வந்தது. அதாவது ஒரு மாதத்திற்கு 200 யூனிட்டுகள். ஒரு நாளைக்கு சுமார்  7 யூனிட்டுகள் . இதில் பெருந்தீனிக்காரர்களான, மிக்ஸி, கிரைண்டர், வாஷிங் மிஷின், ஃப்ரிட்ஜ், ஹீட்டர் இவைகளை ஒதுக்கி வைத்தாலும், ஒரு நாளில் 8 மணி நேரத்திற்கு, சராசரியாக 2 யூனிட்டுகள் தேவைப் படும்.. அதாவது ஒரு மணி நேரத்திற்கு  (2000/8 +250) 300 வாட்ஸ் டெலிவிரி செய்யக் கூடிய சோர்ஸ் தேவைப்படும். இது ஒரு சராசரி என்பதாலும் சமயங்களில் ஒரே நேரத்தில் 2 ஃபேன்  (60 X 2) , ஒரு கம்ப்யூட்டர் 250  ,2 ட்யூப் லைட்  (2 X 60 ), வேலை செய்ய வேண்டிய சூழல்  என்று கணக்கிட்டால் (120 + 250 120 =490 வாட்ஸ்)  தேவைப்படுகிறது. தேவைப் பட்டால் ஒரு ஐந்து நிமிடத்திற்கு மிக்ஸியை உபயோகித்துக் கொள்ளக் கூடிய வகையிலும் , பாதுகாப்பு மற்றும் தேவையை கருதி 1000 வாட்ஸ் சப்ளை செய்யக் கூடிய சோர்ஸ் வாங்கவேண்டும்.

ஜென்செட்டா அல்லது யுபிஎஸ்ஸா எது பெஸ்ட்.?


1200 வாட்ஸ் ஜென்செட்

முதலில் ஜென்செட் பற்றிய கணக்கீட்டைப் பார்ப்போம்.

ஜென்செட் 500வாட்ஸ்லிருந்து 5000 வாட்ஸ் வரை ரூபாய்  20,000 லிருந்து 70,000 வரை  சந்தையில் கிடைக்கிறது. குறைந்த பட்சம் 1 கேவி(1000 வாட்ஸ்) ஜென்செட் வாங்கினால் சுமார் ரூபாய் 30,000 ஆகும்.

http://www.pricelist.co.in/index.php/office/generators/portable-generators

ஜென்செட்கள், ஒரு யூனிட் தயாரிக்க  எவ்வளவு  எரிபொருள் எடுத்துக் கொள்கின்றன என்பதுதான் மிக முக்கியமான விஷயமாகும்.

A conservative rule of thumb is one gallon of fuel per hour for a 5,000 watt generator.

அதாவது 5000வாட்ஸூக்கு ஒருமணி நேரத்திற்கு ஒரு கேலன் பெட்ரோல் என்பது ஜென்செட்களின் தலையெழுத்து.

அந்த வகையில் பார்த்தால் 1000 வாட்ஸ்க்கு ஒரு மணி நேரத்திற்கு சுமார் ஒருலிட்டர் எனக் கணக்கிட்டுக் கொள்ளலாம்..

சிக்கனமாக பயன்படுத்தினால் 8 மணி நேரத்திற்கு  குறைந்தது 4 லிட்டர் பெட்ரோல் அல்லது கெரஸின் தேவைப் படும். அதற்கான செலவு  சுமார் 300 ரூபாய் . இந்த ரீதியில் கணக்கிட்டால் ஒரு மாதத்திற்கு 10,000 ரூபாய் எரி பொருளுக்காக செலவிட வேண்டும். மேலும் இயக்கத்தை கட்டுப் படுத்த விவரமான ஆள் தேவை. இரைச்சல், மாசு என்று அதிகப் படியான  கவலைதரும் விஷயங்கள் வேறு உள்ளது. ஆகவே வீட்டைப் பொறுத்தவரை, அதாவது மின்வெட்டு நேரங்களில்  சராசரியாக மணிக்கு 500 வாட்ஸ் உபயோகத்திற்கு ஜென்செட் என்பது ஒரு குவார்ட்டர் அடிக்கிறதுக்கு  ஒயின்ஷாப்பை  விலைக்கு வாங்கிய கதை தான்.

மின்சாரத்திற்கான  இணைப்பு அறவே இல்லாத இடங்களுக்கு வேண்டுமென்றால், ஜென்செட்டை விட்டால் வேறு வழி இல்லை. மேலும் இதில் ஒரு யூனிட் மின்சாரம் அறுபது ரூபாய் ஆகிவிடுகிறது. ஒருமணி நேரத்தில் 100 ரூபாய் வருமானம் பார்ப்பவர்கள் வேண்டுமென்றால் ஜென்செட் வைத்துக் கொள்ளலாம். இது நமக்கு கட்டுப் படியாகாது. ஆகவே அடுத்த ஏற்பாட்டை பார்க்கலாம்.

யுபிஎஸ்ஸா?


லுமினஸ்

பவரால் - மகிந்திரா

சு-கம்






மைக்ரோடெக்
நமது தேவை 1000வாட்ஸ்  கொடுக்கக்கூடிய சோர்ஸ். சந்தையில் 1000 வாட்ஸ்  தொடர்ந்து கொடுக்கக் கூடிய இன்வர்ட்டர் கிட்டத்தட்ட இல்லை எனக் கொள்ளலாம். 850 வாட்ஸ் அல்லது 1500 வாட்ஸ்களில்தான்  கிடைக்கும் இன்வர்ட்டர்களில் 99 சதவீதம் 850 வாட்ஸ்தான் . இதில் குறிப்பிட்டுள்ள வாட்ஸ் என்பது, மிக அதிகபட்சமாக, பாதுகாப்பாக (in the safer side)  ஒரு மணி நேரத்திற்கு இன்வர்ட்டர் வழியாக 850 வாட்ஸ் எடுக்கலாம் என்று அர்த்தம்.

850 வாட்ஸூக்கான இன்வர்ட்டர்  4500 ரூபாயிலிருந்து 5500 ரூபாய் வரை உள்ளது. மின்கலம் 100 ஆம்பியரில் வாங்கினால்  10,000 ரூபாய். ஆக மொத்தம் 15,000 ரூபாயில் முடித்துவிடலாம்.
http://www.priceindia.in/consumer-electronics/inverter-battery-price/

இதில் பிரதானமானது மின்கலம் தான். அதை எப்படி கணக்கிடுவது.சந்தையில் 12 V வோல்ட் மின் கலங்கள்தான்  99  சதவீதம் உள்ளது. நமக்கு தேவையான ஆம்பியரை எப்படி கணக்கிடுவது.?
எனது ஒரு நாளைய தேவை 2 யூனிட்கள் என்று பார்த்தோம் அதாவது 2000 வாட்ஸ். இதை மின்கலத்தின் வோல்ட்டால் வகுத்தால் தேவையான மின்கலத்தின் ஆம்பியர் கிடைத்துவிடும்.  2000 Watts/12 Volt= 166.6AH.

சந்தையில் 100AH, 120AH, 150AH, 165AH, 180AH, 200AH ஆம்பியர்களில் 12 V மின்கலங்கள் கிடைக்கிறது.


லெட் ஆசிட் பேட்டரி  (ஃப்ளாட்)

சீல்ட் பேட்டரி


http://www.brightnpowerups.com/batteries/lead-acid-batteries.html

200(AH) ஆம்பியர் என்று போட்டிருந்தால், 200 ஆம்பியரில் வேலை செய்யும் மின் சாதனம் (லோடு) இணைத்தால் 1மணிநேரம் தாக்குபிடிக்கும் என்று அர்த்தம். அல்லது 1000 ஆம்பியர் லோடு இணைத்தால் 12 நிமிடங்களுக்கு வேலைசெய்யும்.

செய்கூலி, சேதாரம்

12ஓல்ட்7ஆம்பியர்
 

கம்ப்யூட்டர் யுபிஎஸ்ஸின் மின் கலம் 12 வோல்ட் ,7 ஆம்பியர்தான் இதனுடைய மொத்த வாட்டேஜ் 84வாட்ஸ்தான். இதில் செய்கூலி, சேதாரம் போனால் நமக்கு கிடைப்பது 60 வாட்ஸ்தான். கம்ப்யூட்டருக்கு ஒரு மணி நேரத்திற்கு   250 வாட்ஸ் வேண்டும் 60 வாட்ஸ்ஸில் 15 நிமிடம் தான் வேலை செய்யும்.ஒரு வருடம் ஆகிவிட்டால் ஐந்து நிமிடம்தான் வேலை செய்யும்.

 200 ஆம்பியர் மின்கலம்  200 X 12= 2400 வாட்ஸ் கொடுக்கவேண்டும். அதை 230 வோல்ட்டாக மாற்றும் போது அதில் 15% செலவானது (செய்கூலி, ) போக 2000 வாட்ஸ் இருக்கும். அதிலும் முழுவதுமாக சுரண்டி எடுக்கமுடியாது. 10.5V  அல்லது 11 V வோல்ட்க்கு குறையும் வரை எடுக்கலாம். ஆகவே அதில் தங்கியிருக்கும் (சேதாரம்) அந்த இருப்பைக் கழித்துவிட்டால் 1800 வாட்ஸ் நிச்சயம் பயன்படுத்த கிடைக்கும்.

இன்வர்ட்டர் கள்  850 வாட்ஸ், மற்றும்  1500 வாட்ஸில் இருக்கிறது. ஆனால் 1500 வாட்ஸ் (24 Volt) இன்வர்ட்டர் என்று போய்விட்டால்  அதற்கு  இரண்டு மின்கலங்கள் தேவைப் படுகிறது. அதனால் விலையும் (2 X 10,000 = 20000) கூடி விடுகிறது.

நான் கம்ப்யூட்டருக்கு உபயோகிக்கும் யுபிஎஸ்ஸைப் பற்றி யோசித்து அதன் சப்ளை ரேட்டிங்கைப் பார்த்தேன்.. அது 650 வாட்ஸ் என்று போட்டிருந்தது ஆகா இதில் ஒரு 100 ஆம்பியர் சீல்ட் (Sealed) பேட்டரியை இணைத்து விட்டால் போதுமே, ஒரு பேட்டரி என்ன 5000 ரூபாய்தானே என்று கணக்கிட்டேன். எல்லாம் சேர்த்து 7000 ரூபாயில் முடித்து விடலாமே! .பின்னர் அதிக ரேட்டிங்கில் உள்ள கம்ப்யூட்டர் யுபிஎஸ் பற்றி தகவல் எடுத்தேன் 1500 வாட்ஸ் யுபிஎஸ்  2000 ரூபாயில் கம்ப்யூட்டர் விற்பனை யாளர்களிடம் இருந்தது. அதற்கு ஒரு 80+80  ஆம்பியர் சீல்ட் பேட்டரி இரண்டை வாங்கி மாட்டி விட்டால் போதுமே 12,000 ரூபாயில் தேவை நிறை வேறிவிடும்.
http://www.computerwarehousepricelist.com/productlist.asp?CurPage=1 



அறிவின் கணக்கை புத்தி ஏற்க மாட்டேன் என்கிறது. ஒரு வேளை அவர்கள் குறைந்த நேர செயல் பாட்டிற்கு அந்த யுபிஎஸ்ஸை செய்திருந்தால் என்ன செய்வது என்று புத்தி சொல்லியது.  அதுதான் ஒரு வருடத்திற்கான  வாரண்டி இருக்கிறதே தாரளமாக செய்யலாமே என்றது அறிவு. அதெல்லாம் சரி இது பற்றி வள்ளுவர் என்ன சொல்லியிருக்கிரார் என்று பார்த்தபொழுது. (ஆஹா வள்ளுவர் யுபிஎஸ் பற்றி எல்லாம் சொல்லியிருக்கிறரா  என்று கேட்பது தெரிகிறது. )

உலகத்தோடு ஒட்ட ஒழுகார் பலகற்றும்
கல்லார் அறிவிலா தார்.

ஆகவே  எல்லாரையும் போல இன்வெர்ட்டர் வாங்கிக் கொள்வோம் என்று முடிவெடுத்து ஆராய்ச்சியை கைவிட்டேன். கம்ப்யூட்டர் யுபிஸ், பெங்களுரில் கம்ப்யூட்டர் வேர் ஹவுஸில் பலதரப்பட்ட வகைகளில் கிடைக்கும். உங்களுக்கு வசதியும் நேரமும் இருந்தால் செய்து பாருங்கள்.

முடிவெடுத்தவுடன்  இது பற்றி இதே தொழிலில் இருக்கும் நன்பரிடம் சொன்ன பொழுது உங்களுக்கு யுபிஎஸ்தானே கவலையை விடுங்கள் என்று சொல்லிவிட்டு போனவர், அரைமணி நேரத்தில் இன்வெர்ட்டர், பேட்ட்ரி,  எலக்ட்ரிஷியன் என்று ஆட்டோவில் வந்து இறங்கி விட்டார். ஆகா என்னைக் கேட்கவில்லை, அவர்பாட்டுக்கு  மாட்டி விட்டு சென்றார். பணம் (15,000 +500) எப்பொழுது கொடுக்க முடியுமோ அப்பொழுது கொடுங்கள் என்று சொல்லி விட்டுச் சென்றார்.

இதைத்தான் அன்புத்தொல்லை என்பது. நாம் இவ்வளவு ஆராய்ச்சி செய்து கொண்டிருக்கிறோம்.என்ன பிராண்ட் வாங்குவது என்ன பேட்டரி  வாங்குவது என்று யோசிக்கவிடாமல் கொண்டு வந்து மாட்டி விட்டு சென்றார். நன்மைதான் செய்வார் என்றாலும் என்னைப் போன்ற விவரமானவர்களிடம்!! ஆலோசனை செய்ய வேண்டாமா?. வயரிங்கும் ஒரு குறிப்பிட்ட அறைக்கும் மட்டும் யுபிஎஸ் பயன் தரும் வகையில் இருந்தது.

 நமது ஆராய்ச்சி இன்னும் முடியவில்லை அதற்குள் நண்பர் கொண்டு வந்து வைத்து விட்டார் ஆனாலும் என்ன  தொடருவோம்.அடுத்து நான் என்ன செய்தேன் தெரியுமா?
தொடரும்...............

இரா.சந்திர சேகர்,
பழனி

மேலும் படிக்க...!
top